Trading kemur endiliga til Pokémon GO


Vit fingu einaferð at vita, at skjótt kemur trading til Pokémon GO. Tað er eftirhondini tvey ár síðani.

Men hesuferð er tað faktiskt við at vera her! Tað sigur Niantic, mennarin av spælinum, á teirra bloggi. Har stendur, at trading kemur í spælið seinni hesa vikuna. So um tú manglar ein bestemtan pokémon fyri at gera títt pokédex liðugt, og títt vinfólk hevur hann, so er skjótt vón fyri framman.

Tað ljóðar væl gjøgnumhugsað, hvussu mann kann býta pokémons millum sín. Fyri tað fyrsta skal mann hava lagt hin spælaran afturat sum vin í spælinum. Fyri tað næsta kostar tað stardust at býta pokémons. Og um tú skalt hava ein serliga pokémon, so sum ein shiny, ein legendary ella ein tú ikki enn hevur í tínum pokédex, so skalt tú frammanundan hava bygt títt vinarband upp við hin spælaran. So tað verður ikki so líkatil at fáa fatur á einum región-spesifikkum pokémon frá turistum.

Tú kanst lesa meira um hvussu trading kemur at rigga á blogginum hjá Pokémon GO.
19/06/2018 klokkan 06:00 - HForce

Allir karakterar koma í næsta Super Smash Bros.


Ein afturvendandi tittul á maskinum hjá Nintendo er Super Smash Bros. Tað kom fyrstu ferð út til Nintendo 64 í 1999, og síðani tá eru nýggjar útgávur komnar við skiftandi men altíð vaksandi uppstilling av klassiskum Nintendo karakterum.

Komandi Super Smash Bros. spælið til Nintendo Switch eitur Super Smash Bros. Ultimate, og tað kemur at innihalda allar karakterar sum nakrantíð hava upptraðkað í einum Super Smash Bros. spæli. Eisini koma nýggir karakterar, sum til dømis Inklings úr Splatoon spølunum.

Tú sært eitt video niðanfyri sum vísir fram Super Smash Bros. Ultimate, og sum eisini vísir eina ørgrynnu av teimum karakterum tú kanst spæla. Spælið kemur út tann 7. desember 2018 til Nintendo Switch.

17/06/2018 klokkan 06:00 - HForce

Meira søga úr Death Stranding við nýggjum trailer


Ikoniski japanski rokkstjørnu spæl designarin Hideo Kojima er í gong við eitt nýtt spæl í einum spildurnýggjum universi: Death Stranding. Tað varð avdúkað í 2016 aftaná hann varð tveittur úr Konami, har hann er kendur fyri Metal Gear spølini.

Kojima skapar Death Stranding gjøgnum sítt egna nýggja studio, og hann hevur nógvar kendar vinir við sær. Eitt nú Norman Reedus og Mads Mikkelsen teljast á listanum yvir sjónleikarar sum upptraðka í spælinum.

Nýggi trailer gevur okkum fleiri hints um søguna aftanfyri, og tað sær eisini út til at summir partar innihalda gameplay upptøkur. Death Stranding kemur út til PlayStation 4, vónandi í nærmastu framtíð. Tú sært nýggja trailer niðanfyri.

14/06/2018 klokkan 06:00 - HForce

Nýggjur trailer fyri Cyberpunk 2077 hjá CD Projekt Red


Mennarin handan The Witcher spølini, CD Projekt Red, er í gongd við eitt annað univers. Komandi spælið eitur Cyberpunk 2077 og er baserað á universið skapt í borðspælinum Cyberpunk 2020.

Tann gløggi lesarin sær kanska navnið á spælinum og finnur útav, at talan er um eitt spæl í einum cyberpunk universi. Tú ert í Night City, har tað er stórur munur á ríkum og fátækum, og har tað sær út til at tey flestu eru uppá ein ella annan hátt tekniskt augmenteraði. Uppá tann mátan minnir universið nógv um Deus Ex.

Cyberpunk 2077 kemur út til Windows, Xbox One og PlayStation 4, men vit vita ikki nær. Tú sært nýggja trailer niðanfyri.

13/06/2018 klokkan 06:00 - HForce

Gameplay trailer fyri The Last of Us Part 2


Tað eru fimm ár síðani at The Last of Us varð útgivið, eitt av størstu meistaraverkum innan telduspøl sambært undirritaða. Vit hava bíða eftir einum uppfylgjara síðani, og í 2016 varð hann avdúkaður.

Nú hava vit fingið ein gameplay trailara, har vit síggja Ellie rýma undan og berjast móti einum bólki av fólki sum virka til at hoyra til eina nýggja post-apokalyptiska kult. Gameplay er flott, men sær næstan scriptað út. So er spurningurin hvussu nógv av video'num er scriptað, ella um spælið veruliga kann reagera so væl uppá umhvørvi og umstøður sum tað sæst í trailaranum.

Enn vita vit einki um nær The Last of Us Part 2 verður útgivið, men tú sært nýggja gameplay trailer niðanfyri.

12/06/2018 klokkan 06:00 - HForce

The Elder Scrolls VI er endiliga kunngjørt


Tað eru sjey ár síðani, at seinasta spælið í The Elder Scrolls røðini kom út. Tað var sjálvandi Skyrim, sum aftaná sína útgávu í 2011 er blivið port'að til allar hugsandi maskinur, og hevur enntá fingið eina remastered útgávu til nýggjastu konsoles.

Nú er næsta spælið í røðini avdúkað. Tað hevur enn einki navn annað enn The Elder Scrolls VI. Tú sært ein stuttan teaser fyri spælið niðanfyri, sum ikki vísir okkum serliga nógv. Vit síggja eitt opið landslag við fjøllum, sum Elder Scrolls kennarar fortelja líkist mistonkiliga nógv High Rock, økið vestanfyri Skyrim.

Tú sært tann nýggja teaser niðanfyri.

11/06/2018 klokkan 06:00 - HForce

Spyro trilogy kemur aftur sum remastered útgáva


Ein av mínum heilt tíðligu spæl upplivingum var Spyro the Dragon á PlayStation 1. Eg veit at vit eru nógv sum hava góð minnir um tað spælið, og skjótt kanst tú dyrka tína nostalgi í HD.

Spyro kemur nemlig aftur í form av Spyro Reignited Trilogy, ein remastered útgáva sum inniheldur spølini: Spyro the Dragon, Spyro 2: Ripto’s Rage! og Spyro: Year of the Dragon.

Spyro Reignited Trilogy verður útgivið tann 21. september til PlayStation 4 og Xbox One. Tú sært avdúkingina niðanfyri.

06/04/2018 klokkan 06:00 - HForce

God of War sjónvarpslýsing


Eftirhondini hava vit bíðað eina góða løtu eftir næsta spælið í God of War røðini, sum hesuferð bara eitur God of War. Tað eru longu tvey ár síðani, at eg skrivaði um ein langan trailer fyri spælið, sum vísti fram eina nordiska setting.

Spælið fylgir enn tí ikoniska Kratos, men nú hevur hann eisini sonin Atreus uppá sleip. Teir báðir berjast í einum ævintýri við íblástri frá norrøna guðalæru.

Ein nýggj sjónvarpslýsing fyri spælið er komið út. Tú kanst síggja hana niðanfyri, og tú kanst njóta sjálvt spælið God of War tann 20. apríl á PlayStation 4.

19/03/2018 klokkan 06:00 - HForce

Kategori Arkiv Síða [1] 2 3 4 5 6 ... 225 226 227 >