| Seven Pounds - ummæli | |
| Skrivað hevur Gaffer tann 25/02/2009 klokkan 01:00 | 1 |
|
Seven Pounds Vit kenna mest Will Smith frá skemti, aktionfilmum ella einum cocktail av hesum báðum, men nú roynir hann seg sum dramatiskur sjónleikari enn einaferð. Síðst vit sóðu hann royna hetta, var í filminum The Pursuit of Happyness, har hann var frálíkur. Hann varð enntá nomineraður til Golden Globe og Oscar fyri framførsluna. Nýggi filmurin Seven Punds, er um skattarbeiðaran Ben Thomas (Will Smith), sum løgi nokk, roynir at hjálpa ymsum fólkum, sum eru komin illa fyri, og skylda statinum nógvar pengar. Í sínum royndum at hjálpa, møtir hann ungu kvinnuni Emily (Rosario Dawson), sum skyldar eina rúgvu av tí at hon hevur so nógvar sjúkrahúsrokningar. Hetta kemur av, at hon er fødd við einari hjartadefekt. Ben velur eisini at hjálpa blinda telefonseljaranum Ezra (Woody Harrelson). Trupulleikin við filminum er bara tann, at Emily er tann einasta av teimum sjey, sum veruliga verður útformað, og hvørs bakrund veruliga verður lýst. Hini eru bara hjápersónar, so tað tykist at talið av sjey fólkum, bara var valt tí tað var sjey, og at tað altíð riggar gott, meðan ikki varð hugsa um hetta var best fyri filmin. Hyggja vit at leikaraframførslunum, er ikki serliga nógv at skriva heim um. Will Smith Spælir ein niðurbrotin og tyngdur skattaráðgevi, men hetta tykist alt eitt sindur óveruligt, tí hann selur ikki leiklutin og riggar faktiskt heldur ikki ordiliga sum skattaráðgevi. Rosario Dawson er fínasta slag sum tann deyðsdømda unga kvinnan, og tað er veruliga hon, sum roynir at bera filmin og blása eitt sindur lív inn í. Woody Harrelson fær slett ikki nóg nógva tíð til at vísa sínar dygdir, og tað er spell, tí hann kann vera frálíkur tá hann er í essinum.  Sum sagt er hetta ikki ein av teimum vanligu spenningsfilmunum hjá Will Smith, og tað verður bankað inn við sjey-tumma seymi. Filmurin hevur eitt tað lægsta tempoið í langa tíð. Sjálvt um hann einans er tveir tímar, tykist hann at vera minst ein hálvan longri enn tað. Hetta kemur eisini av, at søgan ongantíð hugtekur okkum ordiliga; vit sita ongantíð trøllabundin, og tað er sera óheppið, tí filmurin viðgerð nakrar stórar spurningar, men ger tað tíverri nakað hálvhjartað. Men filmurin hevur tó potentialið til at rysta í okkum eitt sindur, meðan vit sita og hálvsova, men tíverri er tað soleiðis, at tað plot-twistið, sum er í endanum, hava vit gitt okkum til tá einans 20 minuttir eru farnir, so har fór tann spenningurin. Eftir at eg kom úr biografhølinum føldi eg veruliga, at eg hevði spilt tann peningin, sum bilettin kostaði, og tað er ongantíð gott. Filmurin megnaði simpulthen ikki at hugtaka meg, hann var faktiskt beinleiðis keðiligur, men tó skal sigast, at hann hevur ein tann mest hugvekjandi endan leingi, men fimm góðir minuttir av 120 er simpulthen ov vánaligt. Í stuttum: Spill ikki 75 krónur uppá henda filmin. Um tú veruliga hevur hug til at hyggja at einum filmi, og ikki hevur sæð hendan, keyp so heldur eina bíliga DVD. Biografurin hevur nógvar góðar filmar bíliga. 
|
| Síður: - |
Viðmerkingar: 12
Síða [1] |
|
 Vagnur  12/12/2014Stað: - Innlegg: 259 |
# 1 - 25/02/2009 klokkan 12:10
eg má verða erligur... eri 100% óeinigur.. og haldi ikki, at tú vísur bara at tú ikki dámar sovornar filmar!... ikki gott ummæli gaffer 
|
 albij 01/05/2009Stað: - Innlegg: 2 |
# 2 - 25/02/2009 klokkan 15:32
Við plot-twist.. meinar tú so við tað sum hann ger í baðikarinum?.. ella við at hann og beiggin skeldast á gøtuni? Tað er eitt stórt punkt í filminum, sum saman við endanum fær alt at fella uppá pláss. Fínur filmur, tú burdi hugt at honum 
|
rani-rj 21/09/2011Stað: - Innlegg: 1309 |
# 3 - 25/02/2009 klokkan 16:38
Eg læs ummælið niður til mynduna, tá scrollaði eg niður og sá 2/5 - tín amatørur Gaffer, hasin filmurin var betur enn sjálvt Slumdog Millionaire (sum er overrated). Siðst broytt av rani-rj tann 25/02/2009 klokkan 20:34 (broytt 1x) |
 Pavlo 11/12/2012Stað: - Innlegg: 697 |
# 4 - 25/02/2009 klokkan 18:39
Seven Pounds hevði væl kunna veri Nomineraður til Oscars, hattar var brilliant Acting og brilliant Plot. í gjøgnum allan filmin er hann kanska 3/5, men tá vit koma til point of no return so vaksur filmurin munandi, kanska til 4 ella 5, men eg má siga at eg gav honum 8/10 tí filmurin ikki var spennandi allan vegin í gjøgnum. 
|
Anayna 05/04/2012Stað: - Innlegg: 643 |
# 5 - 25/02/2009 klokkan 18:52
Halli-hallo. Nógv eru ósamd við ummælið hesu ferð. Hmmm. Eg geri bara tað eg eri vanur at gera: when in doubt, do the opposite of the majority. Sjálvur havi eg ikki sæð hann, so eg dugi ikki at siga um eg eri samdur við tí, men ummælið var fínt. Eitt sindur stutt kanska, men sigur tað man hevur tørv at vita. |
Gaffer 22/02/2017Stað: - Innlegg: 550 |
# 6 - 25/02/2009 klokkan 22:46
Ok, eg hevði ikki væntað at fólk fóru at vera samd við mær, men Vagnur hevur rætt, eg verið ikki betaldur fyri ummælini og eri tí faktiskt ein amatørur. Men amatørsligur eri eg ikki, tí eg grundgevi væl fyri mín holdning. Og tá hann sigur at eg ikki dámi sovorðnar filmar, so hevur hann eisini rætt. Mær dámar als ikki vánaligar filmar 
|
|
Lordbashwood 17/01/2010 Stað: - Innlegg: 50 |
# 7 - 25/02/2009 klokkan 23:15
2009-02-25 at 9:46 PM - Gaffer: Ok, eg hevði ikki væntað at fólk fóru at vera samd við mær, men Vagnur hevur rætt, eg verið ikki betaldur fyri ummælini og eri tí faktiskt ein amatørur. Men amatørsligur eri eg ikki, tí eg grundgevi væl fyri mín holdning. Og tá hann sigur at eg ikki dámi sovorðnar filmar, so hevur hann eisini rætt. Mær dámar als ikki vánaligar filmar Sorry, men fólkið hevur talað http://www.imdb.com/title/tt0814314/ ;D |
|
Gaffer 22/02/2017 Stað: - Innlegg: 550 |
# 8 - 26/02/2009 klokkan 07:51
Sjálvur haldi eg rotten tomatoes er ein betri kelda: http://www.rottentomatoes.com/m/seven_pounds/?name_order=asc |
|
rani-rj 21/09/2011 Stað: - Innlegg: 1309 |
# 9 - 26/02/2009 klokkan 16:14
Rotten tomatoes er meira rotten enn Epic movie. |
Tanerion 25/07/2019Stað: - Innlegg: 1992 |
# 10 - 26/02/2009 klokkan 19:00
alt ið megnar at vera rotnari enn Epic Movie hevur uppiborið mína virðing filmurin fær eisini 2/5 frá mær ella 4/10 um man er til tað... |
|
Gaffer 22/02/2017 Stað: - Innlegg: 550 |
# 11 - 26/02/2009 klokkan 22:06
Hygga nú, ein skilamaður
|
 01/01/1970Stað: - Innlegg: 41 |
# 12 - 12/07/2014 klokkan 08:49
kept polo ralph his louboutin tongue oakley sunglasses in soccer jerseys control tory burch outlet from reebok shoes the insanity workout past converse shoes few days birkin bag is again gone louis vuitton outlet online into prada handbags making yet another controversial chanel handbags statement today. nfl jerseys TRS bottega veneta chief longchamp KCR north face outlet who herve leger attended the asics running wedding lululemon outlet occasion ray ban of karen millen the Son and daughter of mont blanc the true religion outlet Ex-MLA louis vuitton handbags and valentino shoes TRS coach outlet store leader ray ban outlet Solipeta toms shoes Ramalinga burberry Reddy true religion jeans and blessed the coach factory outlet newlywed oakley sunglasses couples. soccer shoes Later mulberry taking chi hair straighteners the coach purses mike and ghd hair speaking he said louboutin that tradition of hollister wearing the ralph lauren mangala suitra longchamp outlet is coach outlet nowhere in louboutin the michael kors outlet Hindu new balance shoes epics true religion and mcm handbags that it longchamp a coach outlet part of the juicy couture outlet Hindu tradition marc jacobs is not salvatore ferragamo at all. supra shoes |
| Tú noyðist at innrita fyri at skriva viðmerkingar. |