Upprunaliga StarCraft verður remastered
27/03/2017 klokkan 06:00 - HForce


Fyri skjótt tveimum áratíggjum síðani revolutioneraði StarCraft RTS-sjangruna, og bleiv til ein av fyrstu kempustóru e-sport greinum.

Í dag er eftirfylgjarin, StarCraft 2, tað størra e-sport spælið, men eftirmælið av StarCraft er enn stórt.

Tí hava Blizzard avdúkað, at í summar verður StarCraft og SC: Brood War remastered við spildurnýggjum grafikki! Lætta loysnin vildi verið at endurskapt spælið við nýggjaru tøknini úr StarCraft 2, men um tú hyggur eftir samanberingum á heimasíðuni hjá StarCraft, so sært tú týðiliga, at tað er klassiska útsjóndin men við einum high-definition facelift.

Faktiskt sigur Blizzard, at upprunaliga StarCraft og remastered útgávan verða so kompatibul, at tveir spælarar kunnu spæla móti hvørjum øðrum, sjálvt um ein hevur gomlu útgávuna og ein hevur nýggju útgávuna.

Tú sært avdúkingartrailer fyri StarCraft Remastered niðanfyri.


Tú noyðist at innrita fyri at skriva viðmerkingar.